خوێنه‌ری هێژا به‌ خێر بێی بۆ وێبلاگی « كێله‌شین»
کێله‌شین ده‌لاقه‌یه‌کی چکۆلانه‌‌یه‌ بۆ گه‌یاندنی راستیه‌کان به‌ رای گشتی و ده‌وڵه‌مه‌ندکردنی راگه‌یاندنی کوردی، کێله‌شین تێده‌کۆشێ گزینگی ئاسۆیه‌کی ڕوون بێ بۆ چه‌وساوه‌ بێ‌نازه‌کان؛ کێله‌شین له‌ به‌رزایه‌کی ئاهوورایی ده‌ڕوانێ بۆ هه‌موو ئه‌و نه‌مامانه‌ی تازه‌ دێن چرۆ بکه‌ن. کێله‌شین وه‌ داره‌داره‌ که‌وتووه‌ بۆ ئه‌وه‌ی بتوانێ به‌ش به‌ حاڵی خۆی بۆ وه‌دیهاتنی خه‌ون و ئاواته‌کانی گه‌له‌ به‌ش‌مه‌ینه‌ته‌که‌ی ڕۆڵیک ببینێ.

خوێنه‌ری به‌ڕێز
گوڵان، هه‌یڤی له‌دایکبوونی کێله‌شینه‌، کێله‌شین له‌ بانه‌مه‌ڕی 1384ی هه‌تاوی ده‌ستی به‌کارکردن کرد، هیوادارین توانیبێتمان به‌ لانیکه‌می ئه‌و ئامانج‌و پرینسیپه‌ گشتیانه‌ی دیاریمان کردبوون بگه‌ین‌و له‌ ده‌سپێکی پێنجه‌مین ساڵی چالاکیمان له‌گه‌ڵ خوێنه‌رانی زێده‌‌ئازیزدا له‌سه‌ر ئه‌م خاڵانه‌ی خواره‌وه‌، په‌یمان نوێ ده‌که‌ینه‌وه‌:
• کێله‌شین به ئامانجی تێكۆشان بۆ كرانه‌وه و ده‌ربڕینی بیرو ڕا جوراوجۆره‌كان له سه‌رده‌می دیالۆگ‌و ئاخافتن بۆ سازكردنی كۆمه‌ڵگایه‌كی مه‌ده‌نی‌و پێكه‌وه ژیانێكی هێمنانه پێداگری ده‌کا.
• کێله‌شین هه‌وڵ ده‌دا تیشك بخاته سه‌ر ئه‌و كێشه ئاڵۆزو بنه‌ره‌تیانه‌ی كه كۆمه‌ڵگای كوردی بۆ قۆناغه‌كانی ئێستاو دواتر پێویستی پێیه‌تی؛ وه‌كوو كێشه‌ی سوننه‌ت‌و مۆدێرنیزم، كێشه‌ نه‌ته‌وایه‌تی‌یه‌كان، دێموكراتیزاسیۆنی كۆمه‌ڵگای كورده‌واری، به‌جیهانی‌بوون، كێشه‌ی ئیسلام و دێموكڕاسی و ....
• کێله‌شین باوه‌ڕێكی قووڵی به‌ پلۆرالیزمی فیكری‌و ئازادی ده‌ربڕینی بیروڕا هه‌یه‌و هه‌ر بۆیه‌ش تێده‌كۆشێ كه ببێته سه‌كۆیه‌ك بۆ ئه‌وه‌ی خاوه‌نی بۆچوونه جیاجیاكان بتوانن لێره‌دا رای خۆیان سه‌باره‌ت به كێشه‌كان ده‌رببڕن.
• کێله‌شین دژی هه‌ر چه‌شنه تووندڕه‌ویه‌كی ئیدئۆلۆژێكی‌و كرداریی له ژێر ناوی مه‌زهه‌ب، نه‌ته‌وه‌گه‌ریی و ...‌یه‌و خوازیاری په‌ره‌پێدانی ڕووحی به یه‌كه‌وه ژیان، میانه‌ڕه‌وی له بیرو كرده‌وه، لێبوورده‌یی‌و خوێندنه‌وه‌ی به‌رانبه‌ره‌.
• کێله‌شین له بوواری فیكری دا خوازیاری به‌ڵگه‌هێنانه‌وه‌یه‌و «مه‌سڵه‌حه‌تی مه‌نتیق‌و لۆژیك» وه‌پێش «مه‌نتیق‌و لۆژیكی مه‌سڵه‌حه‌ت» ده‌خا.
• هه‌وڵی بێ‌وچانی کێله‌شین له‌پێناو «كه‌مكردنه‌وه‌ی ئێش‌و ئازاره‌كان»ی گه‌لی كورد به پێداگرتن له‌سه‌ر «ده‌رخستنی حه‌قیقه‌ته‌كان"ـه.
• کێله‌شین هه‌وڵده‌دا له‌پێناو ده‌وڵه‌مه‌ندکردنی زمانی کوردی، وێژه‌و ئه‌ده‌بی کوردی له‌بیر نه‌کا‌و گرنگێکی تایبه‌تیش به‌ کۆێ پرسه‌ کۆمه‌ڵایه‌تی، فه‌لسه‌فی‌‌و ئایینیه‌کان‌ ده‌دا.
• هیوادارین به ناردنی ره‌خنه‌و پێشنیاره‌ به نرخه‌كانی خۆتان له گه‌یشتن به‌ لانیكه‌می ئه‌م ئامانجانه یارمه‌تیده‌رمان بن.
زۆر سوپاس

××××××××

توجه: مقالات منتشره لزوماً نظر گردانندگان كێله‌شین نيست.

---